නාවික හමුදාව රෝගී වූ ධීවරයෙකු වෛද්ය ප්රථිකාර සදහා ගොඩබිම වෙත රැගෙන එයි
ත්රිකුණාමලය, ධීවර වරායෙන් පසුගිය මාර්තු 05 වන දින ධීවර කටයුතු සඳහා පිටත්ව ගොස් තිබූ ‘රන් පුතා’ නැමති බහුදින ධීවර යාත්රාවේ සිටි ධීවරයෙකු රෝගී තත්ත්වයක් හේතුවෙන් අද (මාර්තු 09) වෛද්ය ප්රථිකාර සදහා ගොඩබිම වෙත රැගෙන ඒමට ශ්රී ලංකා නාවික හමුදාව කටයුතු කරන ලදී.
ධීවර හා ජලජ සම්පත් දෙපාර්තමේන්තුව සිදු කළ දැනුම් දීමකට අනුව ක්ෂණිකව ක්රියාත්මක වූ නාවික හමුදාව, රෝගියා රැගෙන ඒම සඳහා නැගෙනහිර නාවික විධානයට අයත් වේග ප්රහාරක යාත්රාවක් පිටත් කර යැවීමට කටයුතු කරන ලදී. ඒ අනුව, පවුල් තුඩුවට නාවික සැතපුම් 73 ක් පමණ වූ දුරකදි රෝගියා වේග ප්රහාරක යාත්රාව වෙත ලබා ගැනීමෙන් අනතුරුව රෝගියා හට මුලික ප්රථමාධාර පහසුකම් ලබා දෙමින් නිරුපද්රිතව ගොඩබිම වෙත රැගෙන ඒමට කටයුතු කෙරිණි. ඒ අනුව, ත්රිකුණාමලය වරාය වෙත රැගෙන එනු ලැබූ රෝගියා වෛද්ය ප්රථිකාර සඳහා ත්රිකුණාමලය, මහ රෝහල වෙත යොමු කරන ලදී.
තවද, ශ්රී ලංකාව වටා ඇති සාගරය ප්රයෝජනයට ගනු ලබන නාවික හා ධිවර ප්රජාවට සිදුවන ඕනෑම උපද්රවයකදී නාවික හමුදාව විසින් සිය දායකත්වය ලබා දීමට කටයුතු කොට ඇති අතර, ඉදිරියේදීත් මෙවැනි මුදවා ගැනීමේ මෙහෙයුම් සිදු කිරීමට නිරන්තර අවධානය යොමු කර ඇත.
![](assets/images/news/event_news/2019/March/2019_03_09_d/1.jpg)
![](assets/images/news/event_news/2019/March/2019_03_09_d/2.jpg)
![](assets/images/news/event_news/2019/March/2019_03_09_d/3.jpg)
![](assets/images/news/event_news/2019/March/2019_03_09_d/4.jpg)
![](assets/images/news/event_news/2019/March/2019_03_09_d/5.jpg)
![](assets/images/news/event_news/2019/March/2019_03_09_d/6.jpg)
![](assets/images/news/event_news/2019/March/2019_03_09_d/7.jpg)
![](assets/images/news/event_news/2019/March/2019_03_09_d/8.jpg)
|