නාවික හමුදාධිපතිතුමන් ගුවන් හමුදාධිපතිතුමා හමුවෙයි
ශ්රී ලංකා නාවික හමුදාවේ අභිනව නාවික හමුදාධිපතිවරයා වශයෙන් පත්වීම් ලද වයිස් අද්මිරාල් සිරිමෙවන් රණසිංහ මහතා අද (නොවැම්බර් 23) ගුවන් හමුදා මූලස්ථානයේදී, ගුවන් හමුදාධිපති එයාර් මාෂල් කපිල ජයම්පති මහතා හමුවිය. එහිදී, ගුවන් හමුදා විශේෂ සම්මාන ආචාර මුරයක් මගින් නාවික හමුදාධිපතිතුමා පිළිගත් අතර, වයිස් අද්මිරාල් රණසිංහ මහතා නාවික හමුදාධිපති දූරයේ වැඩ භාර ගැනීමෙන් අනතුරුව ගුවන් හමුදාධිපතිතුමන් හමුවූ පළමු නිල හමුව බවට මෙය සනිටුහන් විය.
එහිදී ගුවන් හමුදාධිපතිතුමන් විසින් අභිනව නාවික හමුදාධිපතිතුමන් වෙත ඔහුගේ සුභ පැතුම් පිරිනමන ලද අතර, ඉදිරි කටයුතු වලදී ගුවන් හමුදාවේ නොමද සහාය නාවික හමුදාව වෙත ලබා දෙන බව ද ප්රකාශ කරන ලදී. එම අවස්ථාව සඳහා ගුවන් හමුදා අධ්යක්ෂක ජෙනරාල්වරුන් ඇතුළු ජ්යෙෂ්ඨ නිලධාරීන් පිරිසක්ද සහභාගී වී සිටියහ. මෙම අවස්ථාව සනිටුහන් කරමින් සමරු තිළිණ හුවමාරුවක්ද සිදු කෙරිණි.
![](assets/images/news/event_news/2017/november/2017_11_23_a/1.jpg)
![](assets/images/news/event_news/2017/november/2017_11_23_a/2.jpg)
![](assets/images/news/event_news/2017/november/2017_11_23_a/3.jpg)
![](assets/images/news/event_news/2017/november/2017_11_23_a/4.jpg)
![](assets/images/news/event_news/2017/november/2017_11_23_a/5.jpg)
![](assets/images/news/event_news/2017/november/2017_11_23_a/6.jpg)