ශ්‍රී ලංකා නාවික හමුදාධිපති රුසියානු සමූහාණ්ඩු නාවික හමුදාවේ නාවික දින සැමරුම් උළෙලට සහභාගී වේ

රුසියානු සමූහාණ්ඩු නාවික හමුදාවේ 325 වන නාවික හමුදා සංවත්සර දිනය නිමිත්තෙන් පැවති නාවික පෙළපාලිය 2021ජූලි මස 25 වන දින රුසියානු සමූහාණ්ඩුවේ ජනාධිපති ව්ලැඩ්මියර් පුටින් මහතාගේ ප්‍රධානත්වයෙන් රුසියාවේ ශාන්ත පීටස්බර්ග් නගරයේදී උත්කර්ෂවත් අයුරින් පැවැත්විණි. මෙම අවස්ථාව සඳහා රුසියානු සමූහාණ්ඩුවේ නාවික හමුදාධිපති, අද්මිරාල් නිකොලායි යෙව්මෙනොව් (Admiral Nikolai Yevmenov) ගේ ආරාධනයෙන් ශ්‍රී ලංකා නාවික හමුදාධිපති වයිස් අද්මිරාල් නිශාන්ත උළුගේතැන්න සහ නාවික හමුදා සේවා වනිතා ඒකකයේ සභාපතිණි චන්දිමා උළුගේතැන්න මැතිණියද සහභාගී විය.

29 Jul 2021

නාවික හමුදා උත්තමාචාර මැද රියර් අද්මිරාල් රුවන් පෙරේරා නාවික හමුදා සේවයෙන් විශ්‍රාම ලබයි

නාවික හමුදා මාණ්ඩලික ප්‍රධානී, රියර් අද්මිරාල් රුවන් පෙරේරා සිය වසර 35 කට අධික නාවික සේවය නිමා කරමින් අද (2021 ජුලි 27) දින විශ්‍රාම යන ලදී.

27 Jul 2021

ලෝක කඩොලාන දිනයට සමගාමීව නාවික හමුදාවෙන් කඩොලාන රෝපණය කිරීමේ වැඩසටහනක්

ලෝක කඩොලාන දිනයට සමගාමීව ශ්‍රී ලංකා නාවික හමුදාව, වෙරළ පිරිසිදු කිරීමේ වැඩසටහනක් සහ කඩොලාන පැල රෝපණය කිරීමේ වැඩසටහනක්‌ උතුරු මැද නාවික විධානයේ ආඥාපති රියර් අද්මිරාල් බන්දුල සේනාරත්නගේ ප්‍රධානත්වයෙන් අද (2021ජූලි 26) තලෙයිමන්නාරම සහ නච්චිකුඩා වෙරළ ප්‍රදේශයන්හිදී ක්‍රියාත්මක කෙරිණි.

26 Jul 2021

නාවික හමුදාව මඟින් අලුත්වැඩියා කළ "වඩතාරකි" යළි ඩෙල්ෆ්ට් සහ කුරිකඩ්ඩුවාන් අතර සේවයට එක්වේ

යාපනය, පුන්ගුඩුතිව් දූපතේ කුරිකඩ්ඩුවාන් ජැටිය සහ ඩෙල්ෆ්ට් දූපත අතර මගීන් සහ භාණ්ඩ ප්‍රවාහනය සඳහා මාර්ග සංවර්ධන අධිකාරිය මගින් යොදවා තිබූ "වඩතාරකී" යාත්‍රාව අක්‍රීයවීමෙන් දූපත් අතර ප්‍රවාහන කටයුතු ඉතා දුෂ්කර තත්වයකට පත්ව තිබූ අතර, නාවික හමුදාව විසින් "වඩතාරකී" යාත්‍රාව අලුත්වැඩියා කර ක්‍රියාකාරී තත්වයට පත් කිරීමෙන් පසු 2021 ජූලී මස 15 දින සිට යළි දූපත් අතර මගීන් සහ භාණ්ඩ ප්‍රවාහන සේවයට එක්විය.

26 Jul 2021

නැගෙනහිර නාවික විධානයේ නව ආඥාපති ලෙස රියර් අද්මිරාල් සංජීව ඩයස් වැඩ භාර ගනී

රියර් අද්මිරාල් සංජීව ඩයස් නැගෙනහිර නාවික විධාන මූලස්ථානයේදී අද (2021 ජූලී 24) නැගෙනහිර නාවික විධානයේ ආඥාපති වශයෙන් වැඩ භාර ගන්නා ලදී.

24 Jul 2021

උතුරු මැද නාවික විධානයේ නව ආඥාපති ලෙස රියර් අද්මිරාල් බන්දුල සේනාරත්න වැඩ භාර ගනී

රියර් අද්මිරාල් බන්දුල සේනාරත්න උතුරු මැද නාවික විධාන මූලස්ථානයේදී උතුරු මැද නාවික විධානයේ ආඥාපති වශයෙන් 2021 ජූලි 20 වන දින වැඩ භාර ගන්නා ලදී.

20 Jul 2021

ශ්‍රී ලංකා නාවික හමුදාවෙන් කිමිදුම් වාර්තාවක්

දියයට කිමිදී එහි අසිරිය විඳීම අපූරු විනෝදජනක අත්දැකීමක් ගෙන දෙන්නක් වුවත්, කිමිදීම අවදානම් සහිත කටයුත්තකි. මෙම අවදානමට අභියෝග කරමින් ත්‍රිකුණාමලය නාවික තඨාකාංගනයේ අලියා දුපත අසල ගැඹුරු මුහුදේ මීටර් 100ක් කිමිදී වාර්තාවක් පිහිටුවීමට 2021 ජුලි 17 වන දින විධාන කිමිදුම් නිලධාරි(නැගෙනහිර නාවික විධානය) කොමාණ්ඩර් නිශාන්ත බාලසුරිය සහ ඔහුගේ සහයක කිමිදුම් කරුලෙස කටයුතු කල බල නැවි (කිමිදුම්) ඩබ්ඩබ්එන්පි සඳරුවන් යන නාවික පුද්ගලයින් කටයුතු කිරීම, නාවික ඉතිහාසයේ එවන් ගැඹුරකට කිමිදුනු ප්‍රථම පුද්ගලයින් ලෙස ඉතිහාස ගත වීමෙන් නාවික හමුදාවට විශාල කිර්තියක් ගෙන දෙන්නට සමත් විය.

19 Jul 2021

නාවික හමුදා සේවා වනිතා ඒකකය මඟින් එප්පාවල සිරි සම්බුද්ධ වීරසිංහාරාම විහාරස්ථානයේ ජල පිරිපහදු මධ්‍යස්ථානයක් ස්ථාපිත කෙරේ.

නාවික හමුදා සේවා වනිතා ඒකකයේ තවත් සමාජ සත්කාරයක් ලෙස, උතුරු මැද පළාතේ උප ප්‍රධාන සංඝනායක පූජ්‍යපාද පන්විල ගුණරතන නායක හිමිපාණන් වහන්සේගේ ඉල්ලීම පරිදි, පණ්ඩුගලම සිරි සම්බුද්ධ විහාරයට අනුබද්ධිත රොටවැව, එප්පාවල සිරි සම්බුද්ධ වීරසිංහාරාම විහාරස්ථාන පරිශ්‍රයේ නාවික හමුදා සේවා වනිතා ඒකකයේ මුල්‍ය දායකත්වයෙන් ස්ථාපිත කල ජල පිරිපහදු මධ්‍යස්ථානය, සේවා වනිතා ඒකකයේ ගරු සභාපතිණී චන්දිමා උළුගේතැන්න මැතිණියගේ සුරතින් 2021 ජූලි 17 දින විවෘත කිරීමට කටයුතු කෙරිණි.

19 Jul 2021

වයඹ නාවික විධානයේ නව ආඥාපති ලෙස රියර් අද්මිරාල් ජයන්ත කුලරත්න වැඩ භාර ගනී

රියර් අද්මිරාල් ජයන්ත කුලරත්න 2021 ජුලි 16 වන වයඹ නාවික විධාන මූලස්ථානයේදී වයඹ නාවික විධානයේ ආඥාපති වශයෙන් වැඩ භාර ගන්නා ලදී.

17 Jul 2021

ඔලිම්පික් වරම් හිමිකරගත් නාවික හමුදා ක්‍රීඩිකාවට නාවික හමුදාධිපතිගෙන් උසස්වීමක්

කාන්තා මීටර් 10 වායු රයිෆල් 0.177 ඉසව්වෙන් මෙවර ටෝකියෝ ඔලිම්පික් උළෙල සඳහා සුදුසුකම් ලබා ගනිමින් ශ්‍රී ලංකා නාවික හමුදාවට මෙන්ම රටට සුවිශාල කීර්තියක් ගෙනදුන් නාවික හමුදා සේවයෙහි නියුතු නායක කාන්තා සංඥා ටෙහානි එගොඩවෙල ක්‍රීඩිකාව දිරිගැන්වීම සඳහා ඇය සුළු නිලධාරී තරාතිරම දක්වා උසස් කර ඇයට රු.250,000.00ක මුදල් ත්‍යාගයක් පිරිනැමීම නාවික හමුදාධිපති වයිස් අද්මිරාල් නිශාන්ත උළුගේතැන්න විසින් අද (2021 ජූලි 16) නාවික හමුදා මූලස්ථානයේදී සිදු කෙරිණි.

16 Jul 2021