නාවික හමුදාව විසින් නෙවිල් ප්‍රනාන්දු රෝහලෙහි කොරෝනා ආසාදිතයින් සඳහා ප්‍රතිකාර කිරීමට අවශ්‍ය පහසුකම් පුළුල් කෙරේ.
කොරෝනා වෛරසය හේතුවෙන් මේ වන විට රට තුළ ඇති වී තිබෙන තත්වය තුළ එම රෝගීන් සඳහා වඩාත් ආරක්‍ෂිතව සහ ඵලදායී ලෙස ප්‍රතිකාර ලබා දීම සඳහා නාවික හමුදාව විසින් නව තාක්‍ෂණය උපයෝගී කර ගනිමින් සිදු කරන ලද අළුත්වැඩියාවන් සහ උපකරණ කොරෝනා ආසාධිත ගර්භනී මව්වරුන් හට ප්‍රතිකාර ලබා දීමේ රෝහලක් ලෙස රජය මගින් නවීකරණය කර ඇති නෙවිල් ප්‍රනාන්දු රෝහල වෙත නිල වශයෙන් ලබා දීම 2020 අප්‍රේල් 15 වන දින සිදු කරන ලදි.
16 Apr 2020
කේරළ ගංජා කිලෝග්‍රෑම් 120ක පමණ තොගයක් නාවික හමුදා භාරයට.
ශ්‍රී ලංකා නාවික හමුදාව 2020 අප්‍රේල් 15 වන දින මන්නාරමට දකුණු මුහුදු ප්‍රදේශයේ සිදු කළ මුර සංචාරයකදී කිලෝග්‍රෑම් 120ක පමණ කේරළ ගංජා තොගයක් ප්‍රවාහනය කරමින් තිබූ ඩිංගි යාත්‍රාවක් සමඟ පුද්ගලයින් තිදෙනෙක් (03) නාවික හමුදා භාරයට ගැනීමට සමත් විය.
16 Apr 2020
නාගලන්ගම සහ වේල්ලවීදියේ තවත් පුද්ගලයින් 100 දෙනෙකු නිරෝධායනය සඳහා යොමු කෙරේ.
ජා ඇල සුදුවැල්ල ග්‍රාමයේ නිරෝධායන කටයුතු මග හැර සිට කොරෝනා වෛරසය ආසාධනයවූ පුද්ගලයින් සමඟ සබඳතා පැවැත් වූ කොළඹ ගුණසිංහපුර, වේල්ලවීදිය, ග්‍රෑන්ඩ්පාස් සහ නාගලන්ගම ප්‍රදේශයන්හි තවත් පුද්ගලයින් 100 දෙනෙක් අද (2020 අප්‍රේල් 15) ත්‍රිකුණාමලය, සාම්පූර් ප්‍රදේශයේ පිහිටා ඇති නාවික හමුදා මැරීන් බළඝණ මූලස්ථානයෙහි ස්ථාපිත කර ඇති නිරෝධායන මධ්‍යස්ථානය වෙත යොමු කිරීමට කටයුතු කරන ලදි.
15 Apr 2020
හෙරොයින් මත්ද්‍රව්‍ය සමඟ පුද්ගලයන් දෙදෙනෙ‍ක් (02) නාවික හමුදා භාරයට
නාවික හමුදාව විසින් 2020 අප්‍රේල් 14 වන දින වෙන්නප්පුව ප්‍රදේශයේදී සිදු කළ මෙහෙයුමකදී හෙරොයින් ග්‍රෑම් 4.8 ක් සමඟ පුද්ගලයින් දෙදෙනෙකු (02) නාවික හමුදා භාරයට ගෙන ඇත.
15 Apr 2020
නාවික හමුදා සමාජ මෙහෙවර ව්‍යාපෘතිය යටතේ පුත්තලම, පොලිස් ස්ථානය වෙත විෂබීජ හරණ කුටියක් ලබා දෙයි.
නාවික හමුදා සමාජ මෙහෙවර ව්‍යාපෘතිය යටතේ නාවික හමුදාව විසින් නිශ්පාදනය කරන ලද විෂබීජ හරණ කුටියක් අද ( 2020 අප්‍රේල් 15) පුත්තලම, පොලිස් ස්ථානය වෙත ලබා දීම සිදු කරන ලදි.
15 Apr 2020
නාවික හමුදාව ගැඹුරු මුහුදේදී අත් අඩංගුවට ගත් හෙරෝයින් සහ අයිස් මත්ද්‍රව්‍ය තොගය, සැකකරුවන් සහ ධීවර යාත්‍රාව දික්ඕවිට ධීවර වරායට රැගෙන එයි.
ශ්‍රී ලංකා නාවික හමුදාව තම ගැඹුරු මුහුදු ආවේක්‍ෂණ නෞකාවක් වන ශ්‍රී ලංකා නාවික නෞකා සමුදුර නෞකාව යොදවා ශ්‍රී ලංකාවේ සිට මුහුදු සැතපුම් 548 (දල වශයෙන් කි.මී 985 පමණ) දුරකින් වු ගැඹුරු මුහුදේදී අත්අඩංගුවට ගන්නා ලද මත්ද්‍රව්‍ය තොගය, සැකකරුවන් සහ යාත්‍රාව අද (2020 අප්‍රේල් 15) උදෑසන දික්ඕවිට ධීවර වරාය වෙත රැගෙන එන ලදි.
15 Apr 2020
ඔලුවිල් හි පිහිටි නාවික හමුදා නිරෝධායන මධ්‍යස්ථානයේ නිරෝධායනය වන පිරිස් හට අළුත් අවුරුදු කෑම බෙදාදීම සිදු කරයි.
ශ්‍රී ලංකා නාවික හමුදාව විසින් ඔලුවිල් හි පවත්වාගෙන යනු ලබන නිරෝධායන මධ්‍යස්ථානයෙහි නිරෝධායනයට ලක් කර සිටින පුද්ගලයින් වෙනුවෙන් අළුත් අවුරුදු කෑම බෙදා දීම 2020 අප්‍රේල් 14 වන දින සිදු කරන ලදි.
15 Apr 2020
පානම ප්‍රදේශයේ ජනතාව වෙත අත්‍යවශ්‍ය ආහාර ප්‍රවාහනයට සහ බෙදා හැරීමට නාවික හමුදාවේ සහය.
ශ්‍රී ලංකා නාවික හමුදාව විසින් 2020 අප්‍රේල් 14 වන දින පානම ප්‍රදේශයේ ජනතාව වෙත අත්‍යාවශ්‍ය ආහාර ද්‍රව්‍ය ප්‍රවාහනයට සහ බෙදා හැරීමේ කටයුතු සඳහා සිය දායකත්වය ලබා දෙන ලදි.
15 Apr 2020
නීති විරෝධී දේශීය මත්පැන් සමඟ පුද්ගලයින් දෙදෙනෙකු (02) නාවික හමුදා භාරයට
ශ්‍රී ලංකා නාවික හමුදාව 2020 අප්‍රේල් 14 වන දින නොරෝච්චෝලේ සිට දළුව කරඹ ප්‍රදේශය දක්වා සිදු කල මුර සංචාරයකදී නීති විරෝධී දේශීය මත්පැන් නිෂ්පාදනය කරනු ලබන ස්ථානයක් වටලා එහි සිටි පුද්ගලයින් දෙදෙනෙකු (02) සමග දේශීය මත්පැන් තොගයක් සිය භාරයට ගැනීමට සමත් විය.
15 Apr 2020
බලපත්‍ර රහිතව මුහුදු කූඩැල්ලන් සහ නීති විරෝධී දැල් භාවිතා කරමින් මසුන් ඇල්ලූ පුද්ගලයින් 17 දෙනෙකු නාවික හමුදා භාරයට
නාවික හමුදාව විසින් මන්නාරම, පඩෙයිතුරෙයි ප්‍රදේශයට බටහිරින් වූ මුහුදු ප්‍රදේශයේදී 2020 අප්‍රේල් 14 වන දින සිදු කල මුර සංචාරයක් අතරතුර බලපත්‍ර රහිතව මුහුදු කූඩැල්ලන් සහ නීති විරෝධී දැල් භාවිතා කර මසුන් අල්ලමින් සිටි පුද්ගලයින් 17 දෙනෙකු සිය භාරයට ගැනීමට සමත්ව ඇත.
15 Apr 2020