ශ්‍රී ලංකාවේ බංග්ලාදේශ, ඇමරිකානු සහ රුසියානු ආරක්ෂක උපදේශකයින් නාවික හමුදාපතිතුමන් හමුවේ

ශ්‍රී ලංකා බංග්ලාදේශ මහකොමසාරිස් කාර්යාලයේ ආරක්ෂක උපදේශක කොමදෝරු එස් අස්ලම් පර්වෙස් මහතා, ශ්‍රී ලංකාවේ ඇමරිකානු ආරක්ෂක උපදේශක ලුතිනන් කර්නල් රොබට් රෝස් මහතා සහ ශ්‍රී ලංකාවේ රුසියානු ආරක්ෂක උපදේශක කර්නල් දිමිත්‍රි ඒ මිකාලොව්ස්කි මහතා අද දින (10) කොළඹ නාවික හමුදා මූලස්ථානයේ දී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

10 Aug 2015

යහපත් රාජ්‍ය පරිපාලනය පිළිබඳ දේශනයක් නාවික හමුදා මූලස්ථානයේදී

˝මහජනයා රජය හා සම්බන්ධ වන්නේ රාජ්‍ය සේවකයාගෙනි˝. මහජන අවශ්‍යතා ඉටු කරළීම සඳහා ඔහුට සුවිසල් කාර්යභාරයක් පැවරේ. එහිදී රාජ්‍ය සේවකයන් හට පැවරෙන රාජකාරීන් හා වගකීම් මොනවාද යන්නත්, ඒවා නිසි ලෙස ඉටු කිරීමෙන් යහපත් රාජ්‍ය පරිපාලනයක් ඇති කල හැක්කේ කෙසේද යන්න පිළිබඳවත් ඉතා හරවත් දේශනයක් මහජන සාමය හා ක්‍රිස්තියානි කටයුතු පිළිබඳ අමාත්‍යාංශයේ අතිරේක ලේකම් චූලානන්ද පෙරේරා මහතා විසින් නාවික හමුදා මූලස්ථානයේ අද්මිරාල් සෝමතිලක දිසානායක ශ්‍රවනාගාරයේදී අද (10) දින පැවැත්වීය.

10 Aug 2015

2015 ඩයලොග් සත් සාමාජික අන්තර් සමාජ රගර් තරඟාවලියේ ˝කුසලාන ශූරතාවය˝ නාවික හමුදාව දිනාගනී

කොළඹ තුරඟ තරග පිටියේ ඊයේ (09) පැවති 2015 ඩයලොග් සත් සාමාජික අන්තර් සමාජ රගර් තරඟාවලියේ දෙවන අදියරේ අවසන් තරඟයේදී යුද හමුදා ˝ඩ්‍රැගන්ස්˝ කණ්ඩායම පරාජය කරමින් ˝කුසලාන ශූරතාවය˝ දිනාගැනීමට නාවික හමුදා රග්බි ˝සී හෝසස්˝ කණ්ඩායම සමත්විය. මෙහිදී උත්සාහක දිනුම් 06ක් හා ප්‍රවර්තන දිනුම් 03ක් වාර්තා කරමින් 36 ට 0ක් වශයෙන් විශිෂ්ඨ ජයක් ලබාගැනීමට නාවික හමුදා ˝සී හෝසස්˝ කණ්ඩායමට හැකිවිය.

09 Aug 2015

අසූව දශකයේ නාවික හමුදා රග්බි කණ්ඩායම නියෝජනය කළ සාමාජිකයින් නාවික හමුදාපති හමුවෙයි

1980 දශකයේ ශ්‍රී ලංකා නාවික හමුදා රග්බි කණ්ඩායම නියෝජනය කළ විශ්‍රාමික නාවික හමුදා සාමාජිකයින් 15 දෙනෙකු ඊයේ (07) නාවික හමුදා මූලස්ථානයේ දී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

09 Aug 2015

ජපන් නාවික හමුදාවට අයත් නෞකා දෙකක් කොළඹ වරායට පැමිණේ

සුහදතාවය වර්ධනය කර ගැනීම සහ සේවා ලබා ගැනීම සඳහා ජපන් නාවික හමුදාවට අයත් “ඉකසුචි” සහ “මුරසමෙ” යන නෞකා දෙක අද දින (07) කොළඹ වරායට සේන්දු විය. ශ්‍රී ලංකා නාවික හමුදාව විසින් නාවික සම්ප්‍රදායන්ට අනුව මෙම නෞකාවන් පිළිගන්නා ලදී.

07 Aug 2015

වෙරළාරක්ෂක දෙපාර්තමේන්තුවේ නව අධ්‍යක්ෂ ජෙනරාල් වශයෙන් රියර් අද්මිරාල් සමන්ත විමලතුංග පත් කෙරේ

ශ්‍රී ලංකා වෙරළාරක්ෂක දෙපාර්තමේන්තුවේ නව අධ්‍යක්ෂ ජෙනරාල් වශයෙන් රියර් අද්මිරාල් සමන්ත විමලතුංග ජූලි මස 11 වන දින සිට පත් කර ඇති අතර, ඔහුගේ නව පත්වීමට අදාල ලිපිය නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා අතින් අද දින (06) නාවික හමුදා මූලස්ථානයේදී ලබාගත්තේය.

07 Aug 2015

නාවික හමුදා අභ්‍යන්තර දුරකථන අංකනය වෙනස් කෙරේ

ශ්‍රී ලංකා නාවික හමුදාවේ අංක හතරකින් සමන්විත අභ්‍යන්තර දුරකථන අංකනය, අංක පහ දක්වා වෙනස් කොට ඇත. එම පරිවර්තනය අදියර දෙකකින් සිදුකරන ලද අතර, 2015 ජුලි මස 20 වන දින සිට ක්‍රියාවට නැංවුනු පළමු අදියරින් බටහිර, දකුණු සහ ගිනිකොනදිග නාවික විධානයන් ආවරණය කෙරුණු අතර, 2015 ජුලි මස 27 වන දින සිට ක්‍රියාවට නැංවුනු දෙවන අදියරින් නැගෙනහිර, උතුරු, උතුරු මැද සහ වයඹ නාවික විධානයන් ආවරණය කෙ‍රිණි.

04 Aug 2015

2015 ඩයලොග් සත් සාමාජික අන්තර් සමාජ රගර් තරඟාවලියේ ˝බඳුන ශූරතාවය˝ නාවික හමුදාව දිනාගනී

කොළඹ තුරඟ තරග පිටියේ අද (අගෝස්තු 02) පැවති 2015 ඩයලොග් සත් සාමාජික අන්තර් සමාජ රගර් තරඟාවලියේ ˝බඳුන ශූරතාවය˝ දිනාගැනීමට නාවික හමුදා රග්බි ˝ඒ˝ කණ්ඩායමට හැකිවිය. නාවික හමුදා රග්බි ˝ඒ˝ කණ්ඩායම සහ යුද හමුදා ˝ඒ˝ කණ්ඩායම අතර පැවති තරඟයෙන් 29 ට 7ක් වශයෙන් ජයග්‍රහණය කිරීමට නාවික හමුදා රග්බි කණ්ඩායම මෙහිදී සමත්විය.

02 Aug 2015

නාවික හා සාගරික විද්‍යාපීඨය තම මියගිය නාවිකයන් සමරයි

2006 වර්ෂයේදී සෙබළුන් රැගත් ජෙට්ලයිනර් නෞකාව ත්‍රීකුණාමලය වරායට ඇතුළු වීමේදී ත්‍රස්තවාදීන් විසින් එල්ල කරනු ලැබූ කාලතුවක්කු ප්‍රහාරයෙන් ජීවිතක්ෂයට පත්වූ නාවික හමුදා සාමාජිකයින් සිහි කිරීම 2015 අගෝස්තු මස 01 වන දින ත්‍රීකුණාමලය නාවික හා සාගරික විද්‍යාපීඨයේදී සිදු කෙරින.

02 Aug 2015

ශ්‍රී ලංකා නාවික හමුදා කණ්ඩායම වෙඩි තැබීමේ සමස්ථ ශූරතාවය ලබා ගනියි

කඳුරට වෙඩි තැබීමේ සංගමයට අයත් හන්තාන ‍වෙඩි පිටියේදී ජූලි මස 30 හා 31 යන දෙදින තුල පැවති වෙඩි තැබීමේ ශූරතා තරඟාවලියේ සමස්ථ ශූරතාවය දිනා ගැනීමට ශ්‍රී ලංකා නාවික හමුදා කාන්තා කණ්ඩායම සමත් විය.

02 Aug 2015